काठमाडौं, १८ चैत ।

यस वर्षको एसएलसी परिक्षा आज बाट शुरु भएको छ । विहान ८ बजेबाट देशभर शुरु भएको एसएलसी परिक्षामा परीक्षामा कुल छ लाख १५ हजार ५५३ परीक्षार्थी सहभागी भएका छन् । जसमा नियमिततर्फ चार लाख ५२ हजार ८८१ र ‘एक्ज्याम्टेड’तर्फ एक लाख ५९ हजार ४१७ विद्यार्थी सहभागी भएका परीक्षा नियन्त्रण कार्यालयले जनाएको छ ।

यसैगरी प्राविधिकतर्फ तीन हजार २५५ जना परीक्षार्थी सहभागी भएका छन् । सबैभन्दा बढी काठमाडौँमा ३५ हजार र सबैभन्दा कम मनाङमा ६९ जनाले परीक्षा दिदैछन् । परीक्षाका लागि देशभर एक हजार ४४३ परीक्षा केन्द्र निर्धारण गरिएको छ ।

एसएलसी परीक्षा  चैत १८ गतेदेखि २९ गतेसम्म सञ्चालन हुनेछ । जसअनसार चैत १८ गते अङ्ग्रेजी, चैत १९ गते नेपाली, चैत २१ गते गणित, चैत २२ गते विज्ञान, चैत २३ गते सामाजिक, चैत २४ गते स्वास्थ्य तथा जनसङ्ख्या, चैत २५ गते ऐच्छिक प्रथम, चैत २६ गते ऐच्छिक द्वितीय, चैत २७, २८ र २९ गतेसम्म भने प्राविधिक विषयको बाँकी विषयको परीक्षा सञ्चालन हुनेछ ।