लुम्बीनी, २६ मंसिर २०८०

प्रधानमन्त्री पुष्पकमल दाहाल ‘प्रचण्ड’ले बुद्धको भुमि लुम्बिनी  रामाग्रामबाट विश्व समुदायलाई शान्तिका लागि अपील गर्नु भएकोछ । अहिले विश्वलाई शान्तिको अझबढी आवश्यकता परेको औल्याउनुहुदै शान्तिको आवश्यकता र महत्व झनबढ्दै गएको बताउनु भयो । नवलपरासीको रामग्राममा आयोजित विश्व शान्ति कार्यक्रमलाई सम्बोधन गर्नुहुँदै प्रधानमन्त्री प्रचण्डले “बुद्धका सिद्धान्त, विचार र दर्शनहरु कहिल्यै पुराना नहुने र बुद्धदर्शन, बुद्धका सिद्धान्त र बुद्धका शिक्षालाई कार्यन्वयन गर्नको लागि ईमान्दारीता पुर्वक लागि रहने विश्वास व्यक्तगर्नु भयो ।

प्रधानमन्त्री प्रचण्डले संयुक्त राष्ट्रसंघको महासभामा सहभागि भएर विश्वशान्तीको अपिल गर्दै नेपालको शान्ति प्रकृया अन्तिम चरणमा रहेको र विश्व समुदायले यसमा सहयोग गर्न आग्रह गरेको बताउनु भयो । प्रधानमन्त्रीले संयुक्त राष्ट्रसंघका महासचिव आउनुभएको प्रसङ्ग स्मरण गर्दै “मैले राष्ट्रसंघका महासचिवलाई नेपालमा जलवायु परिवर्तनको प्रभावको अवलोकन गर्न निमन्त्रणा दिएर उहाँ अउनु भएको बताउनु भयो । बर्तमान महासचिव गुटरेसलाई नेपाल आएर जलवायु परिवर्तनको असर कस्तो छ, प्रत्यक्ष रुपमा हेर्न र अनुभुत गर्न नेपाल आउन आग्रह गरेको थिए, उहाँले भन्नुभयो ।

यस्तै कार्यक्रममा संस्कृति, पर्यटन तथा नागरिक उड्डयनमन्त्री सुदन किरातीले गौतम बुद्धको अस्तु रहेको विश्वास गरिएको नवलपरासीको रामग्रामलाई ब्रान्डिङ गर्न सकिए धार्मिक, सांस्कृतिक गन्तव्य बनाउन सकिने विश्वास व्यक्त गर्नुभयो । मन्त्री किरातीले बुद्धको जन्म भएको ठाउँ विश्वको एउटै मात्र ठाउँ छ, त्यो लुम्बीनि हो र बुद्धको अस्तु रहेको ठाउँ पनि विश्वको एउटै मात्र ठाउँ छ त्यो रामग्राम हो भनेर ब्रान्डिङ गर्नसके पर्यटकहरुलाई दुई/तिन हजार वर्ष अघिको समय अनुभुत गराउन सकिने बताउनु भयो । यसले यो क्षेत्र धार्मिक सांस्कृतिक पर्यटनको लागि विशाल गन्तव्य हुन सक्ने उहाँले ठोकुवा गर्नुभयो । मन्त्री किरातीले यसको बुद्ध सर्किटलाई केन्द्रमा राखेर सरकारले भव्य लगानी गरेर यसक्षेत्रमा एयरपोर्ट बनाएको बताउनु भयो ।

रामाग्राम गौतम बुद्धको अस्तु धातु रहेको स्थल मानीन्छ । गौतमबुद्धको अस्तु धातु रहेको क्षेत्र रामग्राममा आयोजना गरिएको कार्यक्रममा पर्यटनमन्त्री सुदन किराती, लुम्बिनी कोषका अध्यक्ष डा. ल्हारक्याल लामा लगायत विभिन्न देशबाट बुद्धमार्गीहरुको उपस्थिती रहेको छ ।