चैत ६ गते नेपालको औपचारिक भ्रमणका लागि आएका बेलायती राजकुमार ह्यारी आज राति स्वदेश फर्किन लागेका हुन् ।

ह्यारी कतार एयरवेजको विमानमार्फत बुधवार राति ९ः१५ स्वदेश फर्किने कार्यक्रम रहेको बताइएको छ । नेपालमा बसाइका क्रममा राजकुमार ह्यारीले राष्ट्रपति र प्रधानमन्त्रीसँग भेट गरेका थिए ।

यसैगरी ह्यारीले भूकम्पले क्षति पु¥याएको ललितपुरको पाटन दरबार स्क्वायर क्षेत्रसहित बर्दीया, भक्तपुर, लम्जुङ, गोरखा र पोखराको भ्रमण गरेका थिए ।

पाँच दिने नेपाल भ्रमणका लागि आएका ह्यारीले थप ६ दिन भूकम्पले क्षति पुर्याएको गोरखाको लापुबेसीमा रहेको प्रभातकिरण माविको पुनर्निर्माणको काममा समेत सहयोग गरेका थिए ।