नेकपा एमाले परित्याग गरी स्वतन्त्र ढंगबाट राष्ट्रवादी वामपन्थी अभियान चलाईरहेका नेता भिम रावल नेपाली कम्युनिस्ट पार्टीसँग एकताबद्ध हुने भएका छन् ।

सुदुरपश्चिम प्रदेशमा राम्रो जनाधार भएका र केपी ओलीकाे चर्काे आलाेचक रहेका रावल राष्ट्रियता र सार्वभौमसत्ताका पक्षमा निरन्तर अभियान चलाइरहेका नेता हुन् ।

उनी नेपाली कम्युनिस्ट पार्टीका संयाेजक पुष्पकमल दाहाल र सहसंयाेजक माधव नेपालसहित नेताहरूसँग सघन परामर्शपछि एकताबद्ध हुन लागेकाे नेता राजेन्द्र पाण्डेले बताएका छन् ।