टिकटकमाथि प्रतिवन्ध लगाएको विरूद्वमा सर्वाेच्च अदालतमा १० वटा मुद्वा दर्ता भएका छन् ।

सर्वोच्च अदालतका सूचना अधिकारी गोविन्द घिमिरेका अनुसार शुक्रवार अपराह्नसम्म कम्तीमा १० वटा रिट निवेदन दर्ता भएका छन् ।

“सबै रिटलाई एकै ठाउँ राखेर सोमवार प्रारम्भिक सुनुवाइ गर्ने पेसी तोकिएको छ,” उनले भने।

रिट निवेदकहरूले टिकटक बन्द गर्ने निर्णय मौलिक हकविरुद्ध रहेको र यसले अभिव्यक्ति स्वतन्त्रता हनन गरेको दाबी गरेका छन्।

 लोकप्रिय बनेको टिकटक बन्द हुँदा यसको पक्ष र विपक्षमा व्यापक बहस भइरहे पनि नेपाली इन्टरनेटमा बन्द गरिएको यो मात्रै चाहिँ होइन। याेसँगै बन्द भएका साइट र एपकाे संख्या ५ लाख बढि भइसकेका छन् ।