सरकारले संसदमा दर्ता गरेकाे शिक्षा विधेयककाे विरोधमा देशभरका शिक्षकहरू आन्दोलनमा उत्रिएका छन्।

सरकारले वार्तामा बस्न पटक–पटक गरेको आग्रहलाई अस्वीकार गर्दै देशभरका शिक्षकहरूले बुधबारदेखि काठमाडौं केन्द्रित सडक आन्दोलन थालेका हुन् ।

उनीहरूले राजधानीकाे माइतीघरदेखि बानेश्वरसम्म प्रदर्शन गरिरहेका छन् ।

संविधानअनुसार शिक्षा विधेयकमा शिक्षकको सरुवा, बढुवा, नियुक्ति कार्यसम्पादन, सेवासुविधा, नियमनलगायत रेखदेखमा स्थानीय तहको भूमिका रहने व्यवस्थाप्रति असन्तुष्टि जनाउँदै नेपाल शिक्षक महासंघले आन्दोलनको घोषणा गरेको हो ।

आन्दोलनका कारण राजधानीकाे सडकमा ट्राफिक ब्यवस्थापन अस्तब्यस्त बनेको छ ।