सत्तारुढ दल नेपाली कांग्रेस संसदीय दलको नेतामा पार्टी सभापति समेत रहेका प्रधानमन्त्री शेरबहादुर देउवा निर्वाचित भएका छन् ।
बुधबार विहान संसदिय दलको कार्यालय सिंहदरबारमा भएको निर्वाचनमा संसदीय दलमा महामन्त्री गगन थापालाई पराजित गर्दै देउवा निर्वाचित भएका हुन् ।

देउवाले ६४ मत पाउँदा थापाले २५ मत प्राप्त गरे । चुनाव परिणामपछि थापाले यो परिणामले आफू निरास नहुने प्रतिक्रिया दिएका छन् ।
यसअघि संस्थापनइतर पक्षबीच लामो छलफलपछि थापा उम्मेदवार बनेका थिए ।

कांग्रेसमा पुस्तान्तरको बहस चल्दै आएता पनि पहिलोपटक संसदिय दलको निर्वाचनमा तेश्रो पुस्ताले प्रतिस्पर्धा गरेका हुन् । महामन्त्री समेत रहेका थापालाई महामन्त्री विश्वप्रकाश शर्मा, दोश्रो पुस्ताका नेता शेखर कोइरालालगायतका समर्थन रहेको थियो ।