चितवन ,४ जेठ ।

चितवनको भरतपुरमा भएको दुर्घटनामा एकजनाको मृत्यु भएको छ भने चार जना घाइते भएका छन् । ज्यान गुमाउने र दुई जना घाइते एकै परिवारका रहेको जिल्ला प्रहरी कार्यालय चितवनले जानकारी दिएको छ ।

भरतपुरवाट नारायाणघाटका लागि छुटेको ग १ ज ५७०६ नम्बरको पिकअप भ्यानले विपरित दिशातर्फ जाँदै गरेका ग ४ प ३९१८ नम्बरको मोटरसाइकल र ना १७ प ५७२१ नम्बरको स्कुटरलाई ठक्कर दिँदा दुर्घटना भएको हो ।

दुर्घटनामा ग ४ प ३९१८ नम्बरको मोटरसाइकलका चालक भरतपुर–१२ का ५० वर्षे श्रीराम कट्टेलको ज्यान गएको हो । दुर्घटनामा कट्टेलकी श्रीमती ४५ वर्षकी नारायणी र छोरी सन्ध्या गम्भीर घाइते भएका प्रहरीले जनाएको छ ।

यस्तै, स्कुटीमा सवार भरतपुरका स्थानीय १८ वर्षका विजय न्यौपाने र भरतपुर–७ का २० वर्षीय सुमाङ्कर भण्डारीसमेत घाइते भएको प्रहरीले जनाएको छ । घाइते चारै जनाको अहिले चितवन मेडिकल कलेजमा उपचार भइरहेको छ । पिकअप भ्यानका चालकलाई प्रहरीले पक्रेको छ