काठमाडौैं,२२ वैशाख ।

कतार सरकारले नेपाल सरकारलाई उपहार स्वरुप ८ वटा ई सिरिजका अत्याधुनिक मर्सिडिज बेन्ज कार र एउटा मर्सिडिज जीप दिने भएको छ ।

बुधबार परराष्ट्र मन्त्रालयमा हुने एक कार्यक्रमकाबीच कतारी राजदुतले नेपाललाई उक्त गाडीहरू उपहार स्वरुप प्रदान गर्ने भएका छन् ।

काठमाडौंमा २०७१ मंसिरमा भएको सार्क शिखर सम्मेलनका लागि विशिष्ठ पाहुनाहरुलाई आवतजावत गर्नका लागि सुविधासम्पन्न गाडी सहयोग गरिदिन कतार लगायत विभिन्न देशलाई आग्रह गरेको थियो । तर कुनैपनि देशबाट सहयाेग प्राप्त नभएपछि सरकारले भारतबाट गाडीहरु भाडामा ल्याएकाे थियाे ।

उतिबेला तत्काल सहयोग गर्न नसेपनि आगामी दिनमा हुने ठूला सम्मेलन तथा बैठकहरुमा आउने विशिष्ठ पाहुनाहरुका लागि प्रयोग गर्न कतारले गाडी दिएको बताएको छ । छिट्टै नेपालमा बिमस्टेक शिखर सम्मेलन आयोजना हुँदै छ भने सार्कसम्बन्धी उच्चस्तरिय बैठकहरु पनि हुने छन् ।