ललितपुर, १७ बैशाख ।

भारतीय ट्रकको ठक्करबाट ललितपुरमा एक युवकको ज्यान गएको छ ।

केन्द्रीय प्रहरी समाचार कक्षका अनुसार हरिसिद्धि पानी ट्याङकी नजिक सडकमा यु.पि.–५३–सिपि–३५५६ नम्बरको भारतीय ट्रकले बा.५५ प ५५५नम्बरको मोटरसाइकललाई बिहीबार ठक्कर दिँदा सोही ठाउँ बस्ने मोटरसाइकल चालक १९ वर्षीय उसिसलाल जोशीको मृत्यु भएको हो ।

ठक्करबाट गम्भीर घाइते भएका जोशीलाई उपचारको लागि बि एण्ड बि अस्पताल लैजाने क्रममा बाटोमै मृत्यु भएको हो । दुर्घटनामा नखीपोट बस्ने १४ वर्षीय सामोद गुल्मछाने समेत घाइते भएकोले सोहि अस्पतालमा लगिएको छ ।

ट्रक र चालकलाई प्रहरीले नियन्त्रणमा लिएको छ । यस सम्बन्धमा प्रहरीले आवश्यक अनुसन्धान गरिरहेको छ ।