काठमाडौँ, ८ वैशाख ।

राप्रपा नेपालले स्थानीय विकास सहायक मन्त्रीमा रेशम लामालाई सिफारिस गरेको छ । लामालाई प्रधानमन्त्री केपी शर्मा ओलीले नियुक्त गरेर सपथ गराउन भने बाँकी छ ।

मन्त्रीमा सिफारिस हुँदा लामा काठमाडौं बाहिर थिए । उनी काठमाडौं फर्किएपछि सपथ हुने बताइएको छ ।

राप्रपा नेपालका अध्यक्ष कमल थापाले अमेरिका उड्नुअघि लामालाई सहायक मन्त्री नियुक्त गर्न सिफारिस गरेका हुन् ।

राप्रपा नेपालले हालैमात्र स्थानीय विकास सहायक मन्त्री विराज विष्टलाई फिर्ता बोलाएको थियो । विष्टको ठाउँमा लामालाई सहायक मन्त्री बनाइएको हो ।

राप्रपा नेपालका समानुपातिक सांसद रहेका लामा पार्टीको केन्द्रीय सदस्यसमेत हुन् ।