काठमाडौं,७ वैशाख ।

चर्चित गीतहरुलाई बजारमा ल्याउने कामना डिजिटल प्रा.ली.ले अहिलेका निकै चर्चित अनि व्यस्त गायक तथा संगीतकार राम कार्कीको स्वर तथा संगीतमा रहेको आधुनिक गीति एल्वम ‘सन्देश’ बजारमा ल्याउँदैछ । कामना डिजिटल प्रालीले यो गीति एल्वम आउने साता बजारमा सार्बजनिक गर्ने प्रा.लीका निर्देशक राज काफ्लेले बताए । सन्देशमा ‘कोहीपनि टाढा हुँदैन, घरबार छोडेर ,कसैको नी मन हु्ँदैन जाउ घर छोडेर ’ भन्ने निकै मर्म स्पर्सी भाव वोकेको गीत समावेश गरिएको छ । दिपक रिजालको उत्कृष्ट शब्द रहेको एल्वमलाई अनिल राजोपाध्यायले प्रस्तुत गरेका हुन् ।
निकै उत्कृष्ट रहेको म्युजिक भिडियोमा अहिलेको चर्चित नायिका शिल्पा पोखरेल र व्यस्त नायक पुष्प खड्काको अभिनय रहेको छ । नयाँ प्रस्तुतीका रुपमा गीतकार दिपक रिजालको अभिनय छ । हर्के हवल्दारकी देउती सरु दाहालको पनि अभिनय रहेको गीत सुन्दा र भिडियो हेर्दा प्रत्येक प्रवासी युवा युवती र उनका वावुआमाका आँखा रसाउने कामना डिजीटल प्रा.ली.का निर्देशक राज काफ्लेको दाबी छ ।