एजेन्सी,२८ चैत्र ।

इङ्गलिस प्रिमियर लिग फुटबल अन्तर्गत गएराती भएको खेलमा चेल्सी स्वान्सीसंग पराजित भएको छ । प्रतिस्पर्धात्मक खेलको २५ औं मिनेटमा गेल्फि सिर्गुडसनले स्वान्सीका लागी निर्णायक गोल गरे । त्यस्तै गएराती नै बेष्टह्याम र आर्सनलले भने ३/३ को बराबरी खेल्दै अंक बाँढेका छन् ।  लिग अन्तर्गत गएराती नै वर्नमाउथले एष्टन भिल्लालाई २–१ ले पराजित गर्दा क्रिष्टल प्यालेसले नर्विचमाथि एक शून्यको जित निकाल्यो ।

त्यस्तै साउथह्याम्टनले न्यु क्यासल युनाईटेडलाई तीन एकले हरायो ।  वाटर्फोट र एभर्टनले १–१ को बराबरी खेल्दा वेष्टब्रोम म्यानचेष्टर युनाईटेडसंग २–१ ले पराजित भयो । जितसंगै बर्नमाउथ ११ औं स्थानमा उक्लिएको छ । स्वान्सी एक स्थान उक्लदै १२ औ स्थानमा आईपुगेको छ ।

इङ्गलिस प्रिमियर लिग अन्तर्गत आज राती शीर्षस्थानको लेष्टर सिटिले सण्डरलयाण्डसंग प्रतिस्पर्धा गर्दैछ । त्यस्तै आजै दोस्रो स्थानको टोटनह्यामले पाँचौ स्थानको म्यानचेष्टर युनाईटेडसंग प्रतिस्पर्धा गर्नेछ । आजै लिभरपुल र स्टोक सिटि पनि आमनेसामने हुनेछन् ।