प्रमूख प्रतिपक्षी दल नेकपा माओवादी ले निहत्था यवा विद्यार्थीमाथि अन्दाधुन्द गोली प्रहार गरी १९ जना युवाको ज्यान लिने वर्तमान सरकारले तत्काल राजीनामा दिनुपर्ने निर्णय गरेको छ । आज बसेको आकस्मकि पदाधिकारी बैठकले सो निर्णय गरेको हो । प्रबक्ता अग्नीप्रसाद सापकोटाले गोरखामा जारी रहेको मध्यपहाडि लोकमार्गको अभियान नै स्थगीत गरी काठमाडौं आएपछि पदाधिकारी बैठक बसेको र बैठकले आज भएको नरसंहारको सम्पूर्ण जिम्मा केपी ओली नेतृत्वको सरकारले लिएर राजीनामा दिनुपर्ने निष्कर्ष निकाले बताउनुभयो ।
बैठकले नृशंस घटना छानबिन गर्न स्वतन्त्र र निष्पक्ष न्यायीक छानबिन आयोग गठन गर्नुपर्ने , सामाजिक सञ्जाल माथि सरकारले लगाएको प्रतिबन्ध फुकुवा गर्नुपर्नेलगायतका जेन जी पूस्ताले राखेको सबै माग परा गर्न माग गरेको छ ।

यस्ता छन् माओवादीको बैठकले गरेको निर्णय

१. आज जेनजी पुस्ताले गरेको आन्दोलनमाथि सरकारले जुन नरसंहार गरेको छ, त्यसको जिम्मा सरकारले लिनुपर्ने । सरकारले अविलम्ब राजिनामा दिनुपर्ने ।
२. नरसंहारको यस नृशंस घटना छानबिन गर्न स्वतन्त्र र निष्पक्ष न्यायीक छानबिन आयोग गठन गर्नुपर्ने । दोषी पत्ता लगाई कडाभन्दा कडा कारबाही गर्नुपर्ने ।
३. सामाजिक सञ्जाल माथि सरकारले लगाएको प्रतिबन्ध फुकुवा गर्नुपर्ने, भ्रष्टाचारीहरूलाई कारबाही गर्नुपर्नेजस्ता जेनजी पुस्ताले उठाएको मागप्रति ऐक्यबद्धता जनाउने ।
४. आन्दोलनको क्रममा सहादत प्राप्त गरेका व्यक्तिहरूप्रति भोलि बेलुका ५ बजे ७५३ वटै पालिकामा श्रद्धाञ्जलीसभा गर्ने । घाइतेहरुको निःशुल्क उपचार र मृतकका परिवारलाई क्षतिपूर्ति दिन सरकारसँग माग गर्ने ।