प्रमूख प्रतिपक्षी दल नेपाल कम्युनिष्ट पार्टी ९माओवादी केन्द्र०ले भदौ २२ गतेदेखी मध्यपहाडी पुष्पलाल लोकमार्ग केन्द्रीत जनतासँग माओवादी– जनजागरण अभियान सुचारु गर्ने भएको छ । झापाको केचनादेखी कन्चनपुरको झुलाघाटसम्म तराई मधेश हुलाकी राजमार्ग केन्द्रीत अभियानको सफतापछि माओवादीले मध्यपहाडी पुष्पलाल लोकमार्ग केन्द्रीत जनतासँग माओवादी– जनजागरण अभियान शुरु गरेको थियो । अभियान गण्डकी प्रदेशको राजधानी पाखरामा आएर स्थगित भएको थियो ।

सोही अभियानअन्तर्गत बाँकी रहेका जिल्लाहरूमा भदौ २१ गतेदेखि पुनः अभियान सञ्चालन गर्ने निर्णय आज बसेको कार्यलय बैठकले गरेको जनाइएको छ ।
अभियानको शुरुवात गण्डकी प्रदेशको लमजुङ जिल्लाबाट हुनेछ । भने अभियानको नेतृत्व पार्टी अध्यक्ष पुष्पकमल दाहाल ’प्रचण्ड’ले नै गर्नेछन् । अभियान टोलीमा विगतमा झै वरिष्ठ उपाध्यक्ष, उपाध्यक्षहरू र महासचिव, उपमहासचिवहरु सहभागी रहने पार्टीले जनाएको छ ।
गत साउन १६ देखि १९ गतेसम्म बसेको स्थायी समिति बैठकले उक्त अभियानका बाँकी कार्यक्रमहरू सञ्चालन गर्ने निर्णय गरेको थियो । सोही निर्णयअनुसार कार्यान्वयन गर्न बुधबार केन्द्रीय कार्यालयले भदौ २१ देखि २५ गतेसम्मको कार्यतालिका निर्धारण गरेको एक नेताले जानकारी दिए । यसअघि नै माओवादीले विभिन्न जिल्लामा अभियान सकिसकेपनि विभिन्न कारणले केही जिल्लामा भने बाँकी थियो ।

कार्यतालिकाअनुसार अभियान भदौ २१ गते साँझ लमजुङको भोर्लेटारमा बास बसेर सुरु हुनेछ। भदौ २२ गते दिनभर लमजुङ खण्डमा कार्यक्रम आयोजना गरिनेछ । अभियानको क्रममा लोकमार्गको मध्येनेपाल खण्ड, सुन्दरबजार खण्ड र राइनास नगरपालिका खण्डमा जनभेटघाट, सहिद परिवार भेटघाट, कोणसभा, आन्तरिक प्रशिक्षण र कार्यकर्ता भेला, एवम् अन्तरक्रियालगायतका कार्यक्रमहरु हुनेछन् ।

अभियान टोली भदौ २३ गते गोरखामा सहिद शुरे वाग्लेको स्मृति दिवससहितका कार्यक्र र अन्य निमित अभियानका कार्यक्रममा सहभागि हुने बताइएको छ । गोरखाबाट अभियान टोली धादिङ, २४ गते धादिङ खण्डमा र २५ गते नुवाकोट खण्डमा कार्यक्रम आयोजना गरी काठमाडौँ फर्कने बताइएको छ । बाँकी रहेका जिल्लाहरूको कार्यक्रम भने पछि तय गरिने माओवादी केन्द्रले जनाएको छ ।