प्रतिनिधिसभा सदस्य उर्मिला माझीले सरकारले चालेको सुशासन कायम गर्न न्यायलय नै बाधक देखिएको बताएकी छीन् ।

प्रतिनिधिसभाको आजको बैठकमा शुन्य समयमा बोल्दै सांसद माझीले अदालतले जनताको न्यायको आशा मारिरहेको बताइन् । माओवादी केन्द्रकी सांसदसमेत रहेकी उनले राज्यको मुख्य अंग व्यवस्थापिका, कार्यपालिका र न्यायपालिकामध्ये न्यायपालिका भ्रष्ट र सुसासनको बाधक बनेको बताएकी हुन् ।

शुन्य समयमा बोल्दै उनले भनिन् जव भ्रष्टाचारको मुद्धा न्यायलय पुग्छ तव न्याय मर्छ भन्ने भाष्य बनेको भन्दै त्यसलाई फेर्न गम्भीर कदम चाल्न सभामुखमार्फत सरकार र सरोकारवालाको ध्यानाकर्षण गराएकी हुन् ।

उनले ललिता निवास, नक्कली भुटानी शरणार्थी काण्ड, सुन काण्ड, अहिले बाँसबारी छाला जुत्ता जग्गा काण्डसम्म त्यो अवस्था देखिएको दृष्टान्त पेश गरेकी थिइन् ।

उनले भनिन् – राज्यको प्रमुख अंग व्यवस्थापिका, कार्यपालिका, न्यायपालिका मध्ये न्यायपालिका सबैभन्दा भ्रष्ट र परिवर्तन विरोधि जस्तो बनेको छ । सुशासन कायम गर्ने सरकारको कदममा न्यायपालिका बाधक बनेको छ । जब फाइल अदालत पुग्छ, न्याय मर्छ, भ्रष्टले जित्छ भन्ने कुरा स्थापित भएको छ, ललिता निवास, नक्कली भुटानी शरणार्थी काण्ड, सुन काण्ड, अहिले बाँसबारी छाला जुत्ता जग्गा काण्डसम्म त्यो अवस्था देखिएको छ । त्यतिमात्र होइन, सर्वसाधारण जनता न्याय माग्न सर्वोच्च पुग्यो भने वर्षौंसम्म न्यायको पर्खाइमा लाग्दा हजुरबादेखी नाति पुस्तासम्म धाइरहने अवस्था छ । न्यायलयलाई जनपक्षीय र पहुँचबिहिनहरूको संस्था बनाउन के गर्ने हो ।