प्रगतिशील साहित्यकार तथा प्राध्यापक  प्रा डा ताराकान्त पाण्डेयको दाङ देउखुरीमा भएको बस दुर्घटनामा निधन भएको छ ।

नेपालगन्जबाट काठमाडौं जाँदै गरेको यात्रुबाहक बस शुक्रबार राति १०:३० बजे राप्ती नदीकाे पुलबाट खस्दा १२ जना यात्रुको ज्यान गएकोमा बसमा सवार पाण्डेयको पनि निधन भएको हाे ।

पाण्डेय नेपालको प्रगतिवादी साहित्यका धरोहर, योजना साप्ताहिकका सम्पादक र सास्कृतिक आन्दोलनका अगुवासमेन रहनुभएकाे थियाे ।

नेपाली प्रगतिवादी साहित्यिक आन्दोलनका अभियन्ता, कृष्ण सेन इच्छुक प्रतिष्ठानका अध्यक्ष तथा प्रसिद्ध समालोचक प्रा. डा.ताराकान्त पाण्डेयको निधनमा सर्वत्र दुःख व्यक्त गर्दै सामाजिक सञ्जालमा भावनाहरू व्यक्त भएका छन् ।   यस दुखद घडीमा तारादाईप्रति भावपुर्णा श्रद्धाञ्जली तथा उहाँका सबै शुभेच्छुकप्रति गहिरो समवेदना व्यक्त गर्दछौं ।