शरद ऋतुसँगै शान तोङ प्रान्तको चीनान शहरमा रङ्गीचङ्गी खेतको निकै सुन्दर दृश्य देख्न पाइएको छ।

५००० वर्गमिटर क्षेत्रफलभन्दा फराकिलो रङ्गीचङ्गी खेतले देशी विदेशी पर्यटकलाई आकर्षित गरेको छ।

शरद ऋतुको हावाले चीनको ग्रेटवाललाई मनमोहन बनाएको छ। चीनको ग्रेटवाल २१,००० किलोमिटरभन्दा लामो छ। यसलाई पृथ्वीको सबैभन्दा लामो मानवनिर्मित संरचना मानिन्छ। इसापूर्व ५०० शताब्दिमा निर्माण सुरु भएको मानिने उक्त संरचनामा भएका विभिन्न खण्डहरू इसापूर्व २२० तिर जोडिएका थिए।

चीनको राजधानी बेइजिङबाट ४ फरक स्थान भएर ग्रेटवाल पुग्न सकिन्छ । त्यसमध्ये एक हो मुथियान्यू ग्रेटवाल।

मुथियान्यू ग्रेटवाल बेइजिङको अक्सिजन बार भने पनि चिनिन्छ। ९६ प्रतिशत स्थान वनस्पतिले ढाकेको यो क्षेत्र प्राकृतिक रूपमा नै अक्सिजन बार मानिन्छ।

तीन किलोमिटर लामो हरियो मैदान बिस्तारै जीवन्त रातो रंगमा बदलिन्छ। ७०० मिटर भन्दा बढी बिन्दुका साथमा मुथियान्यु पहाडहरू रातो, बैजनी, सुन र सुन्तला रंगको सुन्दर मिश्रणले सजिन्छन्।

रंगीन पातहरूको लागि सबैभन्दा उत्कृष्ट समय अक्टोबरको अन्त्यदेखि नोभेम्बरको सुरुसम्म हो। रातो लुगा लगाएका पहाडहरूको प्रशंसा गर्न यहाँ पर्यटकहरूको घुइँचो लाग्ने गर्छ।

नीलो आकाशको पृष्ठभूमिमा क्रिमसन रंगका पातहरू र उत्तम मौसममा मुथियान्यू ग्रेटवालले तपाईंलाई शरद ऋतुको मौसम र रंगीन पात मिश्रित सौन्दर्यको आनन्द लिन आमन्त्रित गरिरहेको अनुभव हुन्छ ।

यो मानवनिर्मित पर्खालको झन्डै आठ प्रतिशत भाग मात्रै यथावत् रहेको छ भने बाँकी भागको अवस्था नराम्रो भएको बताइन्छ। ग्रेटवाल अफ चाइनालाई यूनेस्कोले सन् १९८७ मा विश्वसम्पदा सूचीको मान्यता दिएको थियो।