काठमाडौंको भृकुटीमण्डपमा  ‘नाडा अटो शो २०२३’  भैरहेको छ । यस अटो शोमा ४५ ब्राण्डको उत्पादन प्रदर्शनी गरिएको छ । अटोमोबाइल्स को कुम्भ मेला मानिने यो  नाडा अटो शोमा गाडी किन्नको लागि बुकिङ गर्न बैंकहरुले फाइनान्सिङ सेवा दिन  आफ्ना  स्टलहरु समेत राखेका  छन् । अहिले चलिरहेको ‘नाडा अटो शो’ मा कम मूल्यका विद्युतीय गाडी किन्न चाहने उपभोक्ताको लागि उपयुक्त अवसर समेत हो । अहिले सस्तो र राम्रोमा इलेक्ट्रीक कार खोज्नेहरुका लागि यो शोमा  १३ देखि ३० लाखसम्मका चारपांग्रे विद्युतीय गाडी पाउन सकीन्छ ।

सेरेज मिनी इभी  कारको मूल्य नाडा अटो शोमा १३ लाख ९९ हजार रुपैयाँ  तोकिएको छ ।  एक पटकको फुल चार्जमा यो १८० किलोमिटर गुड्छ । सेरेज मिड इभी चार सिटको यो कारको मूल्य नाडा अटो शो मा १६ लाख ४९ हजार रुपैयाँ तोकिएको छ । यो कार  एक पटकको फुल चार्जमा १८० किलोमिटर गुड्छ । सेरेज टप इभी  कारको मूल्य १७ लाख ९९ हजार रुपैयाँ तोकिएको छ । यो कार फुल चार्जमा २२० किलोमिटर गुड्छ । नाडा अटो शो मा  एमजी कोमेट इभीको मूल्य १७ लाख ९९ हजार रुपैयाँ मात्रै छ । यो कार फुल चार्जमा २३० किलोमिटर गुड्छ । यस्तै, एमजी कोमेट इभी प्ले नामक अर्को गाडीको मूल्य २० लाख ९९ हजार रुपैयाँ तोकिएको छ ।यो कार फुल चार्जमा २३० किलोमिटर गुड्छ ।  एमजी कोमेटको गाडीमा ३ वर्षको वा एक लाख किलोमिटरको वारेन्टी समेत रहेको  छ । टियागो ईभी सीमित अवधिका लागि सुरुवाती मूल्य २१ लाख ९९ हजार रुपैयाँ तोकिएको छ ।

टियागो इभी एमआर (मेडियम रेञ्ज) एक्सटीको मूल्य २२ लाख ९९ हजार छ भने टियागो इभी लङ रेञ्ज (एलआर) एक्सटीको मूल्य २५ लाख ४९ हजार रुपैयाँ रहेको छ । टियागो इभी एलआर एक्स जेड प्लसको मूल्य २६ लाख ९९ हजार छ भने टियागो इभी एलआर एक्स जेड प्लस लक्जरीको मूल्य २७ लाख ९९ हजार तोकिएको छ । वीलिङ एयर ईभीको दुईवटा कार अटो शोमा सार्वजनिक गरिएको छ । चारसिटे (डबल डोर) उक्त गाडी नेपाली बजारमा ईभी नेपाल मोटर्स र बज्र ग्रुपले बिक्री गरिरहेका छन् । फुल चार्जमा २ सय किलोमिटरको रेञ्ज दिने  यो कारको मूल्य २० लाख ९९ हजार रुपैयाँ मात्रै छ । अर्को कारले ३ सय किलोमिटर रेञ्ज दिने कम्पनीले जनाएको छ । यो कारको मूल्य अटो शोमा २६ लाख ९९ हजार रुपैयाँ तोकिएको छ ।