विराटनगर । प्रधानमन्त्री एवम् माओवादी केन्द्रका अध्यक्ष पुष्पकमल दाहाल प्रचण्डले वर्तमान सत्ता गठबन्धन पाँच वर्ष टिक्ने बताएका छन् ।

विराटनगर विमानस्थलमा आज पत्रकारहरुसँग कुरा गर्दै प्रचण्डले पाँच वर्षसम्म यही गठबन्धन निरन्त कायम रहनेमा ढुक्क हुन आग्रह गरे । पत्रकारको प्रश्नको संक्षिप्त जवाफ दिँदै उनले भने, ‘पाँच वर्ष यही गठबन्धन चल्छ ढुक्क हुनुहोस् ।’

समाजवादी मोर्चाको सन्देश सभालाई सम्बोधन गर्न प्रधानमन्त्री प्रचण्ड, नेकपा एकीकृत समाजवादी पार्टीका अध्यक्ष माधवकुमार नेपाल, जसपा अध्यक्ष उपेन्द्र यादव र नेकपा महासचिव नेत्रविक्रम चन्द विप्लवले विराटनगर पुगेका छन् ।