जनमत पार्टीलाई सरकारमा सहभागी गराउनका लागि नेकपा माओवादी केन्द्रले संघीय मामिला तथा सामान्य प्रशासनमन्त्री अमनलाल मोदीलाई सरकारबाट फिर्ता बोलाउने निर्णय गरेको छ ।

आइतबार प्रधानमन्त्रीको सरकारी निवास बालुवाटारमा बसेको बैठकले मोदीलाई फिर्ता बोलाउने निर्णय गरेको हो ।

मन्त्री मोदी फिर्ता भएसँगै जनमतबाट उक्त मन्त्रालयको जिम्मेवारी अनिता देवी साहले सम्हाल्न लागेकी छन् ।

मोदी मोरङ क्षेत्र नम्बर ४ बाट २०७९ को निर्वाचनमा प्रतिनिधि सभा सदस्यमा निर्वाचित भएका थिए । त्यसअघिको निर्वाच्नमा पनि उनी सांसद बनेका थिए । गत माघ ३ गते मोदी पहिलो पटक मन्त्री बनेका थिए।

माेदी सफल मन्त्रीकाे रूपमा मन्त्रालयबाट फिर्ता हुने भएका छन् । उनलेे कर्मचारी प्रशासनकाे क्षेत्रमा असल अभ्यासको थालनी गरेका थिए । उनले दुर्गममा काम गर्ने कर्मचारीलाई राेजेर सिंहदरबारका मन्त्रालयमा सरूवा गरिदिएका थिए भने सिंहदरबार र काठमाडौंका अफिसमा निरन्तर बसिरहेका कर्मचारीलाई उपत्यका बाहिरका कार्यलयमा सरूवा गरेका थिए । त्यसैगरी काज र दरबन्दी भएका स्थानमा नजाने कर्मचारीलाई कार्वाहीकाे शुरूवात गरेका थिए ।

माेदीले आफू जति दिन मन्त्रीकाे रूपमा रहेपनि ईतिहासमा नाम राख्ने गरि काम गर्ने प्रतिवद्वता व्यक्त गरेका उनलेे सम्झनेगरी कामकाे शुरूवात गरेका थिए ।