काठमाडौं,७ जेठ ।

कालिकोटको कोटबाडा गाविसस्थित लालिघाट बजारमा गएराती पहिरोले पुरिएर ३ जनाको मृत्यु भएको छ । ४ जना बेपत्ता भएका छन् ।

प्रहरीका अनुसार पहिरोमा पुरिएका मध्ये  सिउना गाविस २ की धनमति टमटा,  ५ का हिरा तिरुवा र धौलागोह ९ का लक्ष्मण भण्डारीको शव फेला परेको छ । यसैगरी सिउनाका संजिते टमाटा, सोही गाविसका ४ बर्षीय सदिष्मा बम, रकु गाविस १ का ५२ बर्षिय मनिराम जैशी र बाजुरा घर भएका अजय सार्कीका दुई बर्षिय छोरा बेपत्ता भएका छन् ।

पहिरोले २० वटा घर टहरा समेत बगाएको छ । पहिरोबाट करोडौंको क्षति भएको अनुमान गरिएको छ ।

कर्णाली कोरिडोर बाटो खन्नको लागी क्याम्प बनाएर बसेको नेपाली सेनाले उद्धार गरिरहेको छ । हिजो दिनभरको वर्षात भएको राती दुई बजे तिर पहिरो आएको बताईएको छ ।

घटनास्थलमा नेपाली सेना, शसस्त्र र नेपाल प्रहरीले उद्धार कार्य जारी राखेका छन् ।

भारी बर्षापछि खहरे खोलासहित पहाडबाट खसेको पहिरोले लालीघाट बजारका घरहरु बगाएको प्रहरीले जनाएको छ