काठमाडौं,२ जेठ ।

कञ्चनपुरको पुनर्वास नगरपालिका–१४ ढक्कामा जलेको अवस्थामा एक महिलाको शव फेला परेको छ । ढक्काकी २२ वर्षीय बासमति रानाको शव फेला परेको हो ।

घरबाट एक सय मिटर उत्तर रहेको उखुबारीमा सुकेको पातमा आगो लगाइएको र त्यही ठाँउमा रानाको शव फेला परेको प्रहरीले जनाएको छ ।

रानाको हत्या भएकोे हुन सक्ने कञ्चनपुरका प्रहरी प्रवक्ता केदार खनालले जानकारी दिए । हत्यामा संलग्न भएको आशंकामा प्रहरी रानाका श्रीमान ३० वर्षका राजकुमार रानालाई पक्राउ गरेर अनुसन्धान सुरु गरेको छ ।