काठमाडौं,३० वैशाख ।

क्रिष्टियानो रोनाल्डो सबैभन्दा धेरै कमाउने फुटबल खेलाडी बनेका छन् ।

अमेरिकी पत्रिका फोब्र्सले विश्वका धेरै कमाई गर्ने फुटबल खेलाडीको नाम सार्वजनिक गरेकोमा क्रिस्टियानो रोनाल्ड सबैभन्दा बढी कमाई भएको फुटबल खेलाडी बनेका हुन् । उनको कमाई ८२ मिलियन डलर छ ।

उनले ५३ दशमलव ३ मिलियन डलर तलब र बोनसबाट मात्रै पाउने गरेका छन् । फोब्र्सको सूचीमा दोस्रो स्थानमा बार्सिलोनाका लिओनल मेस्सी छन् ।

मेस्सीको कमाइ ७७ मिलियन डलर छ । जसमध्ये ५० दशमलव ५ मिलियन डलर तलब र बोनस रहेको फोब्र्सले जनाएको छ ।

सर्वाधिक कमाउने फुटबल खेलाडीको सूचीको तेस्रो स्थानमा जाल्टन इब्राहिमाभिच, चौथो स्थानमा नेयमार र पाँचौं स्थानमा ग्यारेथ बल रहेका छन् ।