काठमाडौंं,२४ वैशाख ।

भिल्लारियलमाथी ३–० को सहज जित निकाल्दै लिभरपुल युरोपा लिग फुटबलको फाईनलमा प्रवेश गरेको छ । पहिलो लेगमा एक शून्यले पराजित लिभरपुल समग्रमा ३–१ ले विजयी बन्दै युरोपा लिगको उपाधि नजिक पुगेको हो । खेलको सातौ मिनेटमा उपहार गोल मार्फत अग्रता बनाएको लिभरपुलले ६३ र ८१ औ मिनेटमा थप गोल गरेको थियो । खेलको ७१ औं मिनेटमा रुईज दोहोरो पहेँलो कार्ड खादै बाहिरिएपछि भिल्लारियल १० खेलाडिमा सिमित भएको थियो ।

त्यस्तै सेमिफाईनलको दोश्रो लेगमा साख्तर डोनेत्सकलाई ३–१ ले हराउँदै सेभिल्ला पनि लिगको फाईनलमा प्रवेश गरेको छ । पहिलो लेगमा दुबै क्लवले २–२ को बराबरी खेलेका थिए । समग्रमा सेभिल्ला ५–३ ले विजयी हुँदै फाईनल यात्रा तय गरेको हो । पहिलो हाफ एक एकको बराबरी भए पनि दोश्रो हाफको दोश्रो र १४ औं मिनेटमा  सेभिल्लाले थप गोल गरेको थियो । उपाधिका लागि सेभिल्ला र लिभरपुलबीच प्रतिस्पर्धा हुनेछ ।