विवादास्पद अभिव्यक्तिले पटक पटक समस्यामा पर्दै आएका मेडिकल व्यवसायी समेत रहेका प्रतिनिधिसभा सदस्य डा सुनील शर्मा अन्ततः कक्षा १२ को शैक्षिक प्रमाणपत्र किर्ते गरेको अभियाेगमा पक्राउ परेका छन् ।

उनको कक्षा १२ काे प्रमाणपत्र  नक्कली भएको केन्द्रीय अनुसन्धान ब्युरोले जनाएको छ । बेलबारी–९ मोरङ स्थायी ठेगाना भएका उनले भारतबाट कक्षा १२ उत्तीर्ण भनि ल्याएको शैक्षिक  प्रमाणपत्र नक्कली पाइएको सीआईबीले जनाएको हाे । सोही प्रमाणपत्रका आधारमा उनले त्यसपछिको अध्ययन गरेको सीआईबीको दाबी छ।

सीआईबीले गरेको लामो अनुसन्धानपछि उनको कक्षा १२ को प्रमाणपत्र नक्कली भएको पाइएको थियो । त्यसपछि प्रहरी उनलाई पक्राउ गर्ने निष्कर्षमा पुगेको थियो ।