अन्तरपार्टी महिला सञ्जाल केन्द्रीय समितिकाे आयाेजनामा एक विशेष अन्तरक्रिया कार्यक्रम सम्पन्न भएको छ । काठमाडौंकाे बानेश्वरस्थित अल्फाविटामा शुक्रबार आयाेजित कार्यक्रममा महिलालाई ५० प्रतिशत सहभागिता सुनिश्चित गर्न सहभागीहरूले माग गरेका छन् ।

कार्यक्रममा सत्तारूढ दल नेपाली कांग्रेस, नेकपा माओवादी केन्द्र,  प्रमुख प्रतिपक्षी दल नेकपा एमाले, राष्ट्रिय स्वतन्त्र पार्टी,  राप्रपा, जसपा, नेकपा एसका तर्फबाट प्रतिनिधिसभा सदस्यहरू र नेतृहरू सहभागी रहेका छन् ।

सञ्जालका महासचिव कमला राेकाले सञ्चालन गर्नुभएको कार्यक्रममा निवर्तमान अध्यक्ष यशाेदा सुवेदीले निर्वाचन आयाेगले महिलामैत्रि हुनेगरी  कानुन संशोधन र एकीकृत गर्न खाेजेकाेमा स्वागत गर्दै अझै केही अपुग रहेकाे धारणा राखिन् ।

कार्यक्रममा माओवादी केन्द्रका प्रतिनिधि सभा सदस्य नारायणी शर्मा र राष्ट्रिय सभा सदस्य गंगा बेलबासे, नेकपा एमालेका प्रतीक्षा  तिवारी लगायतले आफ्नो धारणा राखेका थिए ।  अधिकांश महिला सांसदहरूले महिला अधिकार र समावेशीताकाे विषयमा एकताबद्ध भएर लड्नुपर्ने र सदनदेखि सडकसम्म आवाज उठाउनुपर्ने बताएका छन् ।

कल्याणी रिजालकाे अध्यक्षतामा भएको कार्यक्रममा  ६० भन्दा वढि महिला सांसदहरूकाे सहभागीता रहेकाे छ ।