ब्राह्मण र दलित समुदायले एकैसाथ सामूहिक जमरा राखे

47 Hits

बेत्रावती- दशैँ पर्वका अवसरमा नुवाकोटको बेलकोटगढी नगरपालिका बेलकोटगढीमा १३८ परिवारले आज सामूहिकरुपमा घटस्थापना गरी जमरा राखेका छन् । बेलकोटगढी नगरपालिका– १० स्थित नीरञ्जना भगवति मन्दिरमा बडादशैँका लागि ब्राह्मण र दलित समुदायले एकैसाथ सामूहिक जमरा राखेका हुन् ।

पृथ्वीनारायण शाहले नेपाल एकीकरणका क्रममा विसं १८०१ मा नुवाकोटमाथि विजयी हासिल गरेपश्चात् शुरु भएको सामूहिक जमरा राख्ने परम्पराअन्तर्गत नीरञ्जना मन्दिरमा यो वर्ष पनि निरन्तरता दिइएको मन्दिरका पुरोहित नारायणप्रसाद पौडेलले जानकारी दिनुभयो । “ब्राह्मण, क्षेत्री र दलित समुदायका परिवारले घटस्थापनाको शुभ साइतमा एकै स्थानमा जमरा राखेका छौँ”, पुजारी पौडेलले भन्नुभयो, “यसको पूजाआरधना र जल पनि आलोपालोरुपमा चढाउने गरिएको छ ।”

नुवाकोट, रसुवा र धादिङका नौ कोटमध्ये बेलकोटगढी एक कोटका रुपमा महत्वपूर्ण मानिन्छ । नीरञ्जना भगवती मन्दिर पौराणिक र शक्तिपीठका रुपमा समेत परिचित छ । बडादशैँमा काठमाडौँ हनुमानढोकाको बैद्धिक विधिअनुसार नै यहाँ पनि पूजा गर्ने परम्परालाई निरन्तरता दिइएको छ ।

सामूहिक जमराले गाउँमा छुवाछूत प्रथाविरुद्धको सचेतना प्रचारमा सहयोग पुगेको सामूहिक जमरा राख्नुभएका भीमबहादुर नेपालीको भनाइ छ । उहाँका अनुसार स्थानीय विश्वकर्मा, मिजार, नेपाली लगायत थरका १८ घरपरिवारसहित ब्राह्मण, क्षेत्री समुदायले एकै नीरञ्जना भगवति मन्दिर परिसरस्थित कोटघरमा जमरा राखेका छन् ।

मन्दिरमा सामूहिक जमरा राख्नेदेखि प्ूजा सञ्चालनका लागि गुठीको व्यवस्था भए पनि मन्दिरको गुठी जग्गाबाट कुतवाली उठ्न छाडेपछि परम्परा धान्न समस्या भइरहेको वडा नं १० का वडाध्यक्ष पूर्णबहादुर त्रिपाठीले बताउनुभयो । “स्थानीय तह स्थापनापश्चात् बेलकोटगढी नगरपालिकाबाट सहयोग जुटाउन थालिएको छ”, वडाध्यक्ष त्रिपाठीले भन्नुभयो, “रु एक लाख बजेट छुट्याएकाले परम्परा र संस्कृतिको संरक्षण गर्न सहयोग पुगेको छ ।

उहाँँका अनुसार बेलकोटको पाण्डेगाउँ, सुन्दरबजार, बेलकोटगढी, धमले, मिजारगाउँ, मैदानटोल, गैरीगाउँका अधिकांश घरको जमरा सामूहिकरुपमा मन्दिरमा नै राख्ने गरिएको छ ।

Loading...

Related News

Leave a Reply

टाइप गरेर स्पेस थिच्नुहोस् र नेपाली युनिकोडमा पाउनुहोस। (Press Ctrl+g to toggle between English and Nepali OR just Click on the letter). अंग्रेजीमा टाइप गर्न "अ" मा थिच्नुहोस्।

*




मूलखबर मिडिया प्रालि / Regd. No:

अनामनगर, काठमाडौं

०१-४७७०२७६


अध्यक्ष- रामकुमार कार्की
प्रबन्ध निर्देशक – सन्तोष पौडेल
सम्पादक – संगिता खड्का
संवाददाता – एकराज खनाल,
व्यवस्थापक : पदम लामा
डेस्क – लिलाराज श्रेष्ठ
प्रदेश नं १ संवाददाता – मनोज भट्टराई
प्रदेश नं २ संवाददाता – महेश्वर अधिकारी
प्रदेश नं ३ संवाददाता- लिलाराज श्रेष्ठ
प्रदेश नं ४ संवाददाता- विमला अधिकारी