काठमाडौं,१३ जेठ ।

रामेछापमा जिप दुर्घटना हुँदा छ जनाको मृत्यु भएको छ । ८ जना घाइते गम्भिर घाइते भएका छन् ।

रामेछाप बजारबाट हिमगंगा गाविसको चिलाउनेतर्फ जाँदै गरेको ना १ ज ४१६१ नम्बरको टाटासुमो जिप रामेछाप नगरपालिका १ को ओख्रेनीमा दुर्घटना भएको हो ।

मोड काट्ने क्रममा मोडबाट उछिट्टिएर जिप सडकबाट झण्डै १ सय ५० मिटर तल खसेको स्थानीय युगराज पाखि्रनले जानकारी दिए । घटनामा परी ६ जनाको मृत्यु भएको छ । तर, उनीहरुको पहिचान खुलेको छैन ।

दुर्घटनामा परि घाइते भएको ८ जनालाई उपचारको लागि रामेछाप जिल्ला अस्पताल रामेछाप बजारमा लगिएको छ ।