काठमाडौं,१० जेठ ।

सगरमाथाको आरोहणमा गएका ६ जना सम्पर्कविहीन भएका छन् । उनीहरु आरोहण गरी फिर्ता हुने क्रममा सम्पर्कविहीन भएका हुन् । सम्पर्क विहीन हुनेमा ३ जना नेपाली र ३ जना भारतीय नागरीक रहेको बताईएको छ ।

पर्यटन मन्त्रालयका अनुसार सम्पर्कविहीन भएकाहरुमा भारतीय नागरिक परेशचन्द्र नाथ, गौतम घोस र सुवास पल छन् । नेपालीहरुको परिचय भने खुलेको छैन ।

उनीहरु वेपत्ता भएको खबर पर्यटन मन्त्रालयले हिजो पाएको थियो ।

उद्धारकर्ताले ७ हजार ५ सय मिटरको उचाइमा भारतीय महिला सुनिता हजारालाई फेला पारेका छन् । उनलाई हेलिकप्टर र डोरीको सहायताले उद्धार गरिएको छ। अन्यको उद्धार र खोजीकार्य भईरहेको मन्त्रालयले जनाएको छ ।