डोटीमा ‘पर्यटन प्रवद्र्धन समाज नेपाल’ नामक संस्था गठन. डोटीमा ‘पर्यटन प्रवद्र्धन समाज नेपाल’ नामक संस्था गठन. सुदूरपश्चिमको पर्यटन व्यवसायलाई प्रचारप्रसार तथा प्रवद्र्धन गर्ने उद्देश्यले डोटीमा एक संस्था गठन गरिएको छ । पर्यटन विकासमा खासै प्रगति हुन नसकेकाले डोटीमा पर्यटन प्रवद्र्धन गर्नका लागि जिल्लास्थित युवाको भेलाले ‘पर्यटन प्रवद्र्धन समाज नेपाल’ नामक संस्था गठन गरेको हो ।. सुदूरपश्चिममा रहेका पर्यटकीय क्षेत्रको विकास गर्दै आन्तरिक तथा बाह्य पर्यटकलाई आकर्षित गर्ने उद्देश्यले लोकराज जोशीको अध्यक्षतामा नौ सदस्यीय तदर्थ समिति गठन भएको हो । समितिको उपाध्यक्षमा राजेन्द्रविक्रम शाही, महासचिबमा केशर सिं कठायत, सचिबमा नन्दन सिं कार्की तथा कोषाध्यक्षमा तुलसी साउद चयन भएका छन् । त्यस्तै, सदस्यहरुमा डिलबहादुर सिंह, भरत बोहरा, खगेन्द्र सिंह र लोकेश अधिकारी रहेका छन् ।. साथै उद्योग वाणिज्य सङ्घ डोटीका अध्यक्ष नरेन्द्र खड्काको संयोजकत्बमा पाँच सदस्यीय सल्लाहकार समिति गठन गरिएको छ । सल्लाहकार समितिका सदस्यहरुमा नेपाल पत्रकार महासङ्घ डोटी शाखाका अध्यक्ष मीन बम, समाजसेवी कीर्तिराज पन्त, खेम भण्डारी र पत्रकार रामहरि ओझा रहेका छन् ।.