काठमाडौँ। नेपाली कांग्रेस केन्द्रीय कार्यालयको मुख्य सचिवमा कृष्ण पौडेल नियुक्त भएका छन् ।

मुख्य सचिव ऋषिकेश तिवारीले नव निर्वाचित पार्टी सभापति शेरबहादुर देउवालाई सहयोग गर्न भन्दै गत शुक्रबार पदबाट राजीनामा गरेका थिए । तिवारी तत्कालीन सभापति स्व सुशील कोइरालाका पालामा मुख्य सचिवमा नियुक्त भएका थिए।

सभापति देउवाले आज उनको राजीनामा स्वीकृत गरी पौडेललाई मुख्य सचिवमा नियुक्त गरेको पार्टी कार्यालयका सचिव प्रदीप पराजुलीले राससलाई जानकारी दिए । स्याङ्जा गृह जिल्ला भएका पौडेल नेपाल शिक्षक सङ्घ काठमाडौँको सभापति रहि सकेका छन्। रासस