काठमाडौं,२३ वैशाख ।

स्पेनिस क्लब रियल मड्रिड युरोपियन च्याम्पियन्स् लिग फुटबलको फाइनलमा प्रवेश गरेको छ । सेमिफाइनलको दोश्रो लेगमा आत्माघाती गोल उपहार पाएपछि रियल मड्रिड च्याम्पियन्स् लिग फुटबलको फाइनलमा प्रवेश गरेको हो ।

गएराती म्यानचेष्टर सिटिको घरेलु मैदान ईत्तिहाद स्टेडियममा भएको प्रतिस्पर्धात्मक खेलको २० औै मिनेटमा म्यानचेष्टर सिटीले आत्माघाती गोल गरेको थियो । ग्यारेथ बेलको क्रसलाई क्लियर गर्न खोज्दा सिटीका डिफेण्डर फर्नान्डोले आफ्नै पोष्टमा गोल गरेका हुन् ।

त्यसपछि खेलमा कुनै गोल हुन नसकेपछि समग्रमा रियल मड्रिड १–० ले विजयी भएको हो । पहिलो लेगमा दुवै टोलीले गोल रहित बराबरी खेलेका थिए । उपाधिका लागी रियलले आगामि जेठ १६ गते एट्लेटिको मड्रिडसंग प्रतिस्पर्धा गर्नेछ ।

एटलेटिको मड्रिडले जर्मन क्लव बार्यन म्युनिखलाई हराउदै च्याम्पियन्स लिगको उपाधी यात्रा तय गरेको होे । १० पटक च्याम्पियन्स लिगको उपाधि उचाली सकेको रियल युरोपको प्रतिष्ठित क्लब हो भने एथ्लेटिको मड्रिड पनि अर्र्को तहल्का मच्चाउने क्लब हो ।