अर्थमन्त्री पौडेलले पेस गरेको बजेटको सिद्धान्त र प्राथमिकता माथिको छलफलका लागि दुई दिन छुट्टाइएको छ। जसअनुसार वैशाख २४ र २५ गते सो बिषयमा छलफल हुनेछ। यसैगरी, राष्ट्रपति विद्या भण्डारीले वैशाख २६ गते ४ बजे सरकारका नीति तथा कार्यक्रम प्रस्तुत गर्नेछिन्। सरकारले पेश गरेको कार्यक्रममाथि अध्ययन र संशोधन हाल्नका लागि एक दिन छुटाइएको छ। वैशाख २७ गते ११ बजेदेखि ४ बजेसम्म संशोधन हाल्ने समय छुटाइएको छ। सो नीति तथा कार्यक्रम माथि ३ दिनसम्म छलफल गरिनेछ। दलहरुबीच भएको सहमति अनुसार वैशाख २८ देखि ३० गतेसम्मको समय नीति तथा कार्यक्रम माथि छलफल गर्न छुटाइएको छ।

जेठ १ गते देखि १२ गतेसम्म संसद अधिवेसन बस्ने छैन् भने जेठ १३ गते अर्थमन्त्री पौडेलले आर्थिक सर्वेक्षण संसदमा पेस गर्ने कार्यतालिका छ। जेठ १५ गते गणतन्त्र दिवसको दिन सरकारले बजेट प्रस्तुत गर्नेछ । सरकारद्वारा प्रस्तुत बजेटका बारेमा जेठ १७ देखि १९सम्म तीन दिन छलफल चल्नेछ। वैशाख २१ गते अर्थमन्त्री पौडेलले सांसदले उठाएका प्रश्नको जवाफ दिनेछन्। लगत्तै, जेठ २१ देखि ३२ गतेसम्म बैठक स्थगित हुनेछ भने जेठ ३० गते भित्रमा बजेट पारित गर्ने गरी ब्यवस्थापिका संसदको तयारी रहेको छ।