बलिउड नायक आमिर खान यतिबेला चलचित्र ‘दंगाल’कै काममा व्यस्त छन् । यो चलचित्रमा उनी रेसलरको भूमिकामा देखिदैछन् । उनै आमिर एउटा चलचित्र नसकी अर्कोमा काम गर्दैनन् । आमिरले ‘दंगाल’ पछि गर्ने नयाँ चलचित्रको नाम सार्वजनिक भएको छ । उनले ‘सेक्रेट सुपरस्टार’ नामक चलचित्रमा काम गर्ने भारतीय मिडियाले खुलासा गरेका छन् ।

यो चलचित्रमा आमिरको मुख्य भूमिका भने हुनेछैन । तर,उनी महत्वपूर्ण भूमिकामा चलचित्रमा देखिनेछन् । आमिरका म्यानेजर एड्भाइट चन्दनले यसलाई निर्देशन गर्दैछन् । आमा र बच्चाको कथामा यो चलचित्र बन्नेछ । सुरुमा यो चलचित्रको नाम ‘आज फिर जीने कि तमन्ना हे’ राख्ने तयारी गरिएको थियो ।

तर, पछि परिवर्तन गरेर ‘सेक्रेट सुपरस्टार’ राखिएको हो । चलचित्रको छायांकन जुनबाट सुरु हुनेछ ।