काठमाडौं, १३ वैशाख ।

नेपाली कांग्रेसका नेता रामचन्द्र पौडेल नातीको भातखुवाईमा सहभागि हुन सोमबार अमेरिका जाँदै छन् । साँझ ७ बजे फ्लाई दुवइको उडानबाट पौडेल अमेरिका जान लागेको उनको सचिवालयले जानकारी दिएको छ ।

कांग्रेसको महाधिवेशनमा सभापतिमा पराजित भएपछि र संसदस्य दलको नेतामा समेत पराजीत भएपछि विरत्तः बनेका पौडेल अमेरिकामा मुड फ्रेस गर्नको लागि पनि जान लागेको उनीनिकट कार्यकर्ताले बताए ।
पौडेल तीन साताका लागि अमेरिका भ्रमणमा जान लागेको पारिवारीक स्रोतले जानकारी दिएको छ । पौडेलका सहयोगि चिञ्जीवी अधिकारीले पनि पौडेल पारिवारीक भेटघाटका लागि अमेरिका जान लागेको बताए ।
अमेरिका बसाइको क्रममा पौडेलले अमेरिकास्थित नेपाली कांग्रेसका कार्यकर्ताहरुसँग भने भेटघाट गर्ने कार्यक्रम रहेको बताइएको छ ।