काठमाडौं १२ वैशाख ।

एकिकृत नेकपा माओवादी निकट लेखकहरूको संगठन अखिल नेपाल लेखक संघमा विष्णु भण्डारी अध्यक्षमा चयन भएका छन् । शनिबार पेरिसडाँडा कोटेश्वरमा सम्पन्न भएको दोस्रो राष्ट्रिय सम्मेलनले भण्डारीको अध्यक्षतामा ६९ सदस्यीय केन्द्रीय कार्यसमिति चुनेको छ ।सम्मेलनले ६ जनालाई उपाध्यक्षमा निर्बाचीत गरेको छ ।यज्ञबहादुर डाँगी प्रथम उपाध्यक्ष बनेका छन् । अन्य उपाध्यक्षहरुमा डा. धनप्रसाद सुवेदी, भानु भण्डारी, डा. मधुसुदन गिरी, सीता शर्मा र सुशीला प्रधानाङ्ग चयन भएका छन् ।

महासचिवमा तेजविलास अधिकारी निर्बाचीत भएका छन् । सचिवमा ९ जना चयन भएका छन् । सचिव हुनेहरुमा इन्द्र कुमार श्रेष्ठ ‘सरित’, कला अनुरागी, चेतनाथ धमला, छवि सुवेदी, जनक रसिक, प्रमोद धिताल, मदन भण्डारी, माधव घिमिरे ‘अटल’ र वैद्यनाथ ठाकुर छन् ।

कोषाध्यक्षमा केवल बिनाबी चयन भएका छन् ।

समितिमा दुई सदस्य दुई नम्बर प्रदेशबाट र दुई सदस्य महिला पछि थप्ने सम्मेलनले निर्णय गरेको छ ।
सम्मेलनको उद्घाटन एकीकृत माओवादी पोलिटब्यूरो सदस्य तथा सांस्कृतिक विभाग इन्चार्ज बिश्वभक्त दुलाल आहुतिले गरेका थिए ।