इङ्लिस प्रिमियर लिग फुटबल-म्यानु, लिभरपुल र वेष्ट ह्याम विजयी. काठमाडौं,९ बैशाख ।. इङ्लिस प्रिमियर लिग फुटबल प्रतियोगिताअन्तर्गत बुधबार राति भएका खेलहरुमा म्यानचेस्टर युनाईटेड, लिभरपुल र वेष्ट ह्याम युनाईटेड विजयी भएका छन् ।. अंक तालिकाको शीर्ष चारमा पर्ने दावेदारीमा रहेको म्यानचेस्टर युनाईटेडले क्रिष्टल प्यालेसलाई २–० ले हरायो ।. म्यानयुका लागि ईटालियन खेलाडी डार्मियानले एक गोल गरे भने प्यालेसका डेलानीले एक आत्माघाती गोल गरे ।. प्रिमियर लिग अन्तर्गतको अर्को खेलमा लिभरपुलले एभर्टनलाई ४–० ले हरायो । मर्सिसाईड डर्बीमा लिभरपुललाई विजयी गराउन ओरीगी, साखो, स्टरिज र कौटिन्होले एक–एक गोल गरे ।. बुधबार राति भएको अर्को खेलमा वेष्ट ह्याम युनाईटेडले वाट्फोर्डलाई ३–१ ले हरायो ।. आफ्नै मैदानमा भएको खेलमा वेष्ट ह्यामलाई विजयी गराउन एण्डी क्यारेलले एक गोल गरे भने मार्क नोबलले दुई गोल पेनाल्टीमार्फत् गरे । वाट्फोर्डका सेबास्टियन प्रोडलले एक गोल फर्काएका थिए ।.