काठमाडौं, ७ बैशाख  ।

सनराईजर्स हैदरावादले यो सिजनको आईपिएल क्रिकेटमा पहिलो जित हात पारेको छ ।

सोमबार राति भएको खेलमा मुम्बई ईन्डियन्सलाई ७ विकेटले हराउँदै हैदरावादले अंक तालिकामा खाता खोलेको हो ।

खेलमा पहिले व्याटिङ गरेको मुम्बईले निर्धारित २० ओभरमा ६ विकेट गुमाएर १ सय ४२ रन बनायो ।

मुम्बईका लागि अम्बाती रायुडुले ५४ रन तथा क्रुनल पाण्डेले अविजित ४९ रनको योगदान दिए ।

जवाफमा १ सय ४३ रनको लक्ष्य सनराईजर्स हैदरावादले १८ औं ओभरमा ३ विकेट गुमाएर पुरा गर्‍यो ।

हैदरावादको जितमा डेभिड वार्नरको अविजित ९० रन महत्वपूर्ण रह्यो । बलीङतर्फ मुम्बईका टिम साउदीले ३ विकेट लिए ।

जारी सिजनमा खेलेका तीन खेलमध्ये हैदरावादको यो पहिलो जित हो । आईपिएल क्रिकेट अन्तर्गत आज वेलुकी हुने खेलमा कोलकाता नाईट राईडर्स र किङ्स इलेभन पञ्जाव भिड्नेछन् ।