एजेन्सी, ५ वैशाख ।

यी दुई भाइ र यिनका पत्नीहरुमा यतिधेरै समानता छ कि देख्नेहरुले हतपती ठम्याउनै सक्दैनन् । खासमा यी दुइ भाइ तथा यीनका पत्नीहरु दुवै जुम्ल्याहा हुन् ।
बाहिरी मानिस त परको कुरा यिनीहरु स्वयमलेसमेत आफ्नो पति तथा पत्नी ठम्याउन गाह्रो पर्छ । अति समस्या भएपछि अब यी मध्ये एक जोडीले प्लाष्टिक सर्जरी गराउने फैसला गरेका छन् ।

परिवारमा पनि यिनीहरुलाई लिएर काफी कन्फ्युजन छ । यिनीहरु चीनको शांस्ची प्रान्तमा बस्छन् । अनुहारमात्रै होइन यिनीहरुको बोली र हाउभाउ पनि दुरुस्तै छ । चिनियाँ सरकारी अखबारमा छापिएको खबरअनुसार यी दुइ भाइको नाम जाओ शिन तथा जाओ शुआन हो । पत्नीहरु यून फेई तथा यून याङ हुन् ।

यिनीहरुको विवाह पनि एकै दिन भएको थियो । प्लाष्टिक सर्जरीका लागि सांघाईको हङकङ अस्पतालका चिकित्सकहरुसँग सम्पर्क भइसकेको छ ।

चिकित्सकहरु पनि यिनीहरुको प्लाष्टिक सर्जरीका लागि तयार भएका छन् ।

अब यिनीहरुको लुक्स यति फरक बनाइने छ कि कन्फ्युजनको स्थिति नै नरहोस् ।

यद्यपी आफ्नो सर्जरी फ्री अफ कस्टमा होस् भन्ने यिनीहरुको चाहना छ ।एनपीसमाचार डटकमबाट