मुम्बई, २७ चैत । इण्डियन प्रिमियर लिग आइपिएल क्रिकेट प्रतियोगिताको नवौँ संस्करणअन्तर्गतका खेलहरु आजबाट हुँदैछ । मुम्बईमा हुने उद्घाटन खेलमा घरेलु टोली मुम्बइ इन्डियन्सले नव प्रवेशी टिम राइजिङ पुने सुपर जायन्ट्सको सामना गर्दैछ ।

बेटिङ प्रकरणमा राजस्थान रोयल्स र चेन्नाइ सुपरकिङ्स कारवाहीमा परेपछि उनीहरुको स्थानमा  राइजिङ पुने सुपर जायन्ट्स र गुजरात लायन्सले आइपिएल खेल्दैछन् ।

यसअघि गएराति नवौं संस्करणको औपचारिक उद्घाटन गरिएको थियो । मुम्बईको वर्लीमा गएराति भब्य समारोहबीच प्रतियोगिताको नयाँ सिजनको उद्घाटन गरिएको हो ।

उद्घाटनमा बलिउड कलाकार रणवीर सिंह, कटरिना कैफ, ज्याकलिन फर्नान्डेज तथा र्‍यापर यो यो हनी सिंहको उपस्थिति थियो ।

कार्यक्रममा वेष्ट इन्डिजका क्रिकेटर डवेन ब्राभोले च्याम्पियन डान्स पेश गरेका थिए । वैशाख १६ गतेसम्म चल्ने प्रतियोगितामा आठ टिमबीच ६० खेल हुनेछ ।