फुलको आँखामा फुलै संसार काँडको आँखामा काँँडा संसार भन्ने त सुनिएकै हो तर के साथी र सरदार उस्तै हु्न् र ? तपाईलाई के लाग्छ र? प्रगतिशील युवा साहित्यकार बलराम तिमल्सीना प्रस्न गर्छन् किन फूल र अंगार उस्तै उस्तै लाग्छ, लुटेरा र सरकार उस्तै उस्तै लाग्छ, किन प्यार र तरवार उस्तै उस्तै लाग्छ। प्रस्तुत छ गजलमा खुलेका साहित्यकार कवि तिमिल्सीनाको गजल ।

किन फूल र अंगार उस्तै उस्तै लाग्छ ?

झ्यालखाना र घरबार उस्तै उस्तै लाग्छ !

कानून वा मौका मिलाएर लुट्छन दुवै

र त लुटेरा र सरकार उस्तै उस्तै लाग्छ

पक्कै योभित्र मेरा पूर्खा पुरिएका होलान !

र त चिहान र दरवार उस्तै उस्तै लाग्छ

मान्छे उसै झुक्किदैन सुन र पित्तलमा !

किन साथी र सरदार उस्तै उस्तै लाग्छ ?

यो मुक्ति पागल त नभएको हुनु पर्ने हो

किन प्यार र तरवार उस्तै उस्तै लाग्छ ?