संयुक्त राष्ट्रसङ्घको ८१औँ महासभामा सहभागी भई प्रधानमन्त्री बालेन्द्र शाह आज स्वदेश फर्किएका छन्। गत असोज ६ गते कतारको दोहा हुँदै अमेरिकाको न्युयोर्कतर्फ प्रस्थान गरेका प्रधानमन्त्री बालेन आज स्वदेश फर्किएका हुन्।

भ्रमणका क्रममा न्युयोर्कस्थित नेपाली स्थायी नियोगमा आयोजित विभिन्न ब्रिफिङ तथा औपचारिक स्वागत समारोहमा सहभागी भएका प्रधानमन्त्री शाह न्युयोर्कबाट दोहा हुँदै काठमाडौँस्थित त्रिभुवन अन्तर्राष्ट्रिय विमानस्थलमा शनिबार दिउँसो स्वदेश आइपुगेका हुन् ।

अमेरिका पुगेर प्रधानमन्त्री शाहले अमेरिकी कुटनैतिक नियाेग, सरकारी अधिकारी, राष्ट्रपति कसैंग पनि भेटवार्ता गरेनन् । साथै उनले अन्य देशका सरकार प्रमुखहरूसँग पनि कुनै साइडलाइन भेटवार्ता र बैठकमा पनि सहभागी भएनन् ।

उनलाई स्वागत गर्न त्रिभुवन अन्तराष्ट्रिय विमानस्थलमा कार्यवाहक प्रधानमन्त्री एवम् अर्थमन्त्री डा.स्वर्णिम वाग्ले, गृहमन्त्री सुधन गुरुङ र संस्कृति,पर्यटन तथा नागरिक उड्ययन मन्त्री खडकराज पौडेल पुगेका थिए।

उनले नेपाली समय अनुसार शुक्रबार बिहान संयुक्त राष्ट्रसङ्घका महासचिव एन्टोनियो गुटेरेससँग शिष्टाचार भेटवार्ता गरेका थिए। त्यसलगत्तै उनले संयुक्त राष्ट्रसङ्घको महासभालाई नेपालको तर्फबाट सम्बोधन गरेका थिए।