सशस्त्र एकीकृत जनक्रान्तिकाे नारासहित पार्टी विभाजन गरेर विभिन्न नामका पार्टी बनाएका नेत्रविक्रम चन्द ‘विप्लव’ले फेरि पार्टीको नाम नेपाल कम्युनिस्ट पार्टी (माओवादी) नै कायम गरेका छन् ।

पहिलोपटक निर्वाचनमा भाग लिने उद्घाेष गर्दै  दल दर्ताको प्रमाणपत्र प्राप्त गरेका छन् । निर्वाचन आयोगले विप्लव नेतृत्वको माओवादीलाई चुनाव चिन्ह गुलाब प्रदान गरेको छ ।

प्रमाणपत्र प्राप्त गरेपछि हातमा गुलाब बोक्दै उनले नयाँ दल दर्तासँगै नयाँ अभियान सुरु भएकाले देशभर नयाँ अभियानमा अघि बढ्ने प्रतिक्रिया दिए । उनले भने ‘आज पनि जनतामा, भोलि पनि जनतामा । जनताले देखाएको बाटोमै परिवर्तन सम्भव छ।’