दक्षिण पश्चिम प्रशान्त महासागरमा अवस्थित एक सुन्दर देश हो न्यूज़लैंड । जुन मुख्य रूपमा दुई ठूलो टापु  `उत्तरी टापु (North Island) र दक्षिणी टापु (South Island) ´  र थुप्रै साना टापुहरू मिलेर बनेको छ। यसको राजधानी वेलिङ्टन हो भने सबैभन्दा ठूलो शहर ओकल्याण्ड हो। न्यूज़लैंडको कुल क्षेत्रफल करिब २,६९,७६० वर्ग किलोमीटर र जनसंख्या करिब ५.२ मिलियन छ ।

यहाँ मुख्य भाषा अंग्रेजी हो, र माओरी भाषा पनि मान्यता प्राप्त छ। संस्कृति यूरोपेली र माओरी संस्कृतिको मिश्रणले भरिपूर्ण छ। रग्बी यस देशको राष्ट्रिय खेल हो, र राष्ट्रिय जनावर Kiwi नामको उड्न नसक्ने पंक्षी हो। प्राकृतिक सौन्दर्य अत्यन्तै आकर्षक छ; हिमाल, ग्लेशियर, ज्वालामुखी क्षेत्र र सुन्दर तटीय क्षेत्रमा पर्यटकहरूको घुइँचो लाग्छ।

न्यूज़लैंडका कमै चिनिएका तथ्यहरू पनि रोचक छन्। यहाँ भूमिगत तातो पानी र झरनाहरू प्रचुर मात्रामा छन्, जसले ऊर्जा र पर्यटनमा सहयोग पुर्‍याउँछ। उत्तर टापुमा विश्वकै सबैभन्दा लामो नाम भएको ठाउँ छ: Taumatawhakatangihangakoauauotamateaturipukakapikimaungahoronukupokaiwhenuakitanatahu। यो देश महिलालाई पहिलो पटक मताधिकार दिएको विश्वकै पहिलो राष्ट्र हो। भूकम्प र ज्वालामुखी गतिविधि सामान्य हुने हुँदा यहाँको भौगोलिक स्थिति अद्वितीय छ। माओरीहरूले ‘Haka’ नृत्य/गीतमार्फत सांस्कृतिक परम्परा जीवित राख्छन्। यहाँका शहरहरू विश्वकै सफा र हराभरा मानिन्छन्, र वेलिङ्टन अत्यन्त हावादार राजधानी हो। प्राकृतिक सुन्दरता र विविधताका कारण Lord of the Rings र The Hobbit जस्ता विश्वप्रसिद्ध फिल्महरू यहीं खिचिएका हुन्।

अर्थतन्त्र मुख्य रूपमा कृषि, पर्यटन, शिक्षा र उच्च प्रविधिमा आधारित छ। न्यूज़लैंड विश्वकै उत्कृष्ट डेरी र मासु निर्यातक देशहरू मध्ये एक हो। समुद्री जीवन पनि अद्वितीय छ, जहाँ दुर्लभ डल्फिन, व्हेल र पेंगुइन पाइन्छन्। मौसम अत्यन्तै परिवर्तनशील छ; एकै दिनमा सूर्य, वर्षा, हावा र हिमपात अनुभव गर्न सकिन्छ। यी सबै विशेषताले न्यूज़लैंडलाई विश्वभरका पर्यटक र अनुसन्धानकर्ताका लागि आकर्षक बनाएको छ l