नेकपा (माओवादी केन्द्र)का अध्यक्ष पुष्पकमल दाहाल, ‘प्रचण्ड’ले पछिल्लो समय महिला खेलाडीले खेलकुदका विभिन्न विधामा गरेको प्रतिस्पर्धा तथा प्राप्त सफलता नेपाल र नेपालीका लागि गौरवपूर्ण रहेको भन्दै बधाइ व्यक्त गरेका छन् ।
आज साँझ आइसिसी महिला यु–१९ टी–२० विश्वकपका लागि युएईलाई पराजित गर्दै नेपाल छनोट भएपछि प्रचण्डले बधाइ दिँदै खुसि व्यक्त गगरेका हुन् ।

उनले खेल क्षेत्रको सफलताको इतिहासमा आज फेरि एक आयाम थपिँदै इतिहास कोर्न सफल भएको उल्लेख गरेका छन्।

उनले सामाजिक सञ्जालमार्फत भनेका छन्, “सफलताको इतिहासमा आज फेरि एक आयाम थपिएको छ। पहिलोपटक आइसिसी यु–१९ महिला क्रिकेट टोली विश्वकपमा छनोट भएर देशको गौरव बढाएको छ।”

युनाइटेड अरब इमिरेट्स (युएई) मा भएको आइसिसी यु–१९ महिला विश्वकपको एसिया छनोटको अन्तिम खेलमा युएईलाई ८ विकेटले हराउँदै नेपाल विश्वकपमा छनोट भएको हो।