नेकपा एकीकृत समाजवादीमा प्रवेश गरेका नेता घनश्याम भूसाल केन्द्रीय सचिवालय सदस्य बनेका छन् ।  उनलाई नेकपा एकीकृत समाजवादीले सचिवालय सदस्यमा मनोनित गरेको हाे ।

पार्टी कार्यालय तीनकुनेमा शनिबार बसेको समाजवादीको सचिवालय बैठकले भूसाललाई पार्टीको केन्द्रीय सचिवालय सदस्यमा मनोनित गर्ने निर्णय गरेको महासचिव वेदुराम भुसालले जानकारी दिए।

बैठकमा भूसाललाई जिम्मेवारी दिने एक मात्र एजेण्डामा छलफल भएको र सचिवालय सदस्यको जिम्मेवारी प्रदान गर्ने निर्णय भएको उनले बताए।

कम्युनिष्ट नेता भूसाल शुक्रबार नेकपा एकीकृत समाजवादीमा प्रवेश गरेका थिए।