काभ्रेपलाञ्चोकको बेथानचोक गाउँपालिका वडा नं ४ काे चलाल गणेस्थानमा मंगलबार साँझ ६ बजे भएको  बस दुर्घटनामा ज्यान गुमाउनेकाे संख्या १८ पुगेको छ । ब्रतबन्धमा गएर फर्कँदै गर्दा  बा ३ ख ४३८५ बस दुर्घटनाग्रस्त भएकोमा  २१ घाइते भएका छन् ।

बसमा ३९ सवार भएकोमा  मृतकमध्ये १३ जनाको दुर्घटनास्थलमा र अन्य पाँचको उपचारका क्रममा अस्पतालमा निधन  भएको हो ।

बनेपा नगरपालिका–११ बाट ब्रतबन्धका लागि बेथानचोक गाउँपालिका–५ स्थित च्याल्टी पुगेर फर्किँदै गरेको रिजर्भ बस दुर्घटना भएको गाउँ पालिका अध्यक्ष भगवान अधिकारीले जानकारी दिए । उनका अनुसार घाइते सबैलाई उपचारार्थ बनेपास्थित शिर मेमोरियल र धुलिखेल अस्पताल पुर्‍याइएको छ ।

अस्पताल दुर्घटनास्थलमा नेपाल प्रहरी र नेपाली सेनाको टोलीले डोजर प्रयोग गरी उद्धार कार्य गरिएको थियो । अझै मृतकको पहिचान हुन सकेको छैन । गाडि पल्टिएर च्यापिँदा धेरै यात्रुकाे ज्यान गएको हाे ।