लमजुङमा जारी मतगणनामा माओवादी उमेदवार देवप्रसखद गुरूङ मतान्तर निरन्तर घटाउँदै गएका छन् । मंगलबार विहान २१०९ मतान्तरका साथ पछाडि परेका उनले राती १० बज्दासम्म मतान्तर ८ सयमा सिमित गरेका हुन् ।  नेकपा एमालेका पृथ्वीसुब्बा गुरूङले ८ सय ११ मतले अग्रता कायम राखेका छन्। उनले १७५६२ मत प्राप्त गर्दा देव गुरूङले १६७५१ मत प्राप्त गरेका छन् । दुधपाेखरी, काेल्हासाेथर, दाेर्दी गाउँपालिका र मध्यनेपाल नगरपालिकाकाे पूरा मत तथा राइनास र सुन्दरबजारकाे केही वडाका मतकाे गणना सक्दा देव गुरूङले मतान्तर ८ सय ११ मा सिमित गरेका निर्वाचन आयोगले जनाएको छ। उनी दिउँसो  १५३३ मतले पछाडि परेका थिए।

त्यस्तै राष्ट्रिय स्वतन्त्र पार्टीका उम्मेदवार धर्मराज केसीले ३२२४ मत पाएका छन्।