प्रमुख निर्वाचन आयुक्त दिनेश थपलियाले आयोगको प्रणालीमा प्रविष्ट भएको विवरण अनुसार ६१ प्रतिशत मतदान भएको बताएका छन् ।     आइतबार प्रतिनिधिसभा र प्रदेशसभा निर्वाचनको मतदान सम्पन्न भएपछि साँझ आयोगको कार्यालयमा पत्रकार सम्मेलन गर्दै प्रमुख आयुक्त थपलियाले ८ दिनभित्रमा निर्वाचनको नतिजा सार्वजनिक गरिसक्ने पनि बताएका छन् ।

यस्तै उनले चार प्रकारको मतपत्रको गणना पनि एकैपटक हुने बताए । उनले भने, ‘८ दिनभित्र हामी मत परिणाम सार्वजनिक गर्छौं । चारै प्रकारको मतपत्रको गणना एकैपटक गर्छौं । ‘